Mamamah Biak Se Karajo-e

 

“LAI takana Bukik Tambun Tulang?” Baruak Panjaguang mancaliak ka Parewa. Matoari baru tasumbua dirunciang bukik, udaro agak lambok.

“Ondeh, bung! Sange’k takana. Di bukik Tambun Tulang, urang mananti buruan tagijau. Makanan udang, udang juo. Tapi udangnyo nan bungkuak-bungkuak.” Parewa mamelok-i kupiah hajinyo nan mereang lataknyo.

“Sagalo haruih sigap. Koindak talendo awak!” Baruak Panjaguang jo akanyo malinteh-linteh, sarupo baluik di pamatang sawah.

“Maloncek indah. Sakali-sakali tagajai juo.” Parewa ingek bana urang gadang ota di lapau musim manyabik padi.     

“Awak suko mancaliak ka ateh. Mato kanai jalago, tapiciang-piciang mato awak.” Baruak Panjaguang, sarupo namonyo  nan indak namuah kanyang bilo makan.

“sajo karajo-e. Labiah-labiah kok basuo jo umbuik mudo.”  Parewa barinsuik dari palanta duduaknyo.

“Mantimun sadang babuah.  Pisang masak batangnyo. Inyo nan di awak!” Baruak Panjaguang maleleh Mamamah biak aialudahnyo. Matoari makin satinggi galah.

“Balapehkan bana salero tu?   Sarupo ka mati bisuak.” Parewa mamelok-i kaki sarawanyo nan takulenseang.

“Bilo pulo-lai! Tarago lai  mamacik ko! Sadang tabukak karateh-e! Bagandang surang-we-e.”  Baruak Panjaguang   mangarijok ulek-ulek daun nan marangkak di palapah pisang.

Kutiko musim ka sawah, Bunduang bakaliaran di pamatang sawah. Buruang bangau tabang sikua-sikua. Garimih tangahari sarupo sangik limau. Angin basibah di antaro pasawangan nan laweh. Awan bakumpua-kumpua, matoari sarupo tidua di ateh ranjang.

“La-i jatuah ka ateh juo asok tu?” Baruak Panjaguang indak hilang aka, sakali-sakali mancari kutu di baliak katiaknyo.

“Angan lanteh, aka indak hilang. Kasado-e’, inyo haru sarupo mambuek bubua palito.” Parewa mancaliak sakuliliang. Sawah sudah balunyau bangau tabang di atehnyo.

“Lado sadang manyiriah dalam parak. Haragonyo di pasa mulai naiak. Padeh lado, padiah kehidupan tahun-tahun tarakhia ko!” Baruak Panjaguang,, nyanyi samusim nan sangsai.

“Iko nan ka diawak konyo!” Parewa sarupo maetong-etong bijobayam untuak kalapo.

“Antah-lah yuang, adiak waang juo nan kabatambahnyo!” Baruak Panjaguang baolak-olai samantaro matoari alah tagak di ateh kapalo.

“Iyo, iyo… iyo! Sangsai den One. Sangsai den Abak! Dari Aia Pacah luruih jalan Baypas` Angin basiua kiri kanan. Dari jauah Nampak stasiun teveri singgah sabanta di palanta. RMS

Haluan, Minggu 3 Oktober 2004