Roehana Koeddoes Riwayaikmu Dulu

KOTO Gadang, Anno 20 Desember 1884 Roehana Koeddoes lahir. Wartawati Pertama Indonesia. Ketika berusia 28 tahun jadi wartawati. Soenting Melajoe. Kontrolir Agam Tua, LC. Westenenk dan Nyonya Westenenk menawarkan Roehana Koeddoes untuk ikut acara pameran hasil kerajinan rakyaik di Ten Toostelling di Negeri Belanda. Roehana Koeddoes menolak (?) dan tidak ikut.

Kamang, Anno 15/16 Juni 1908

Rakyaik Kamang menolak membayar pajak. Tuanku Mandua LC. Westenenk mengadakan patroli ka Kamang untuak menghajar rakyaik. Jam 22.00 malam 15 Juni 1908, patroli Bulando bakakuatan 150 urang. Manyarang Kamang dari tigo jurusan.

Manuruik catatan  Gubernur Jenderal Bulando, pihak Bulando mati 9 urang, luko-luko 13 urang, di pihak rakyaik Kamang 90 urang mati. Itu manuruik catatan Bulando. Inyiak Tirih Parewa, Kapalo Nagari Kamang (Surau Koto Samiak) H. Jamil Datuak Tumang­guang (tahun 1908 itu alah pansiun) dibunuah, rumah sarato 5 ikua kudonyo dibaka.

Pambarontakan pajak tu banyak rakyaik Kamang nan dibuang puluih, dibuang salamo hiduik tamasuak anak dari Haji Abdul Manan nan banamo Amat Marzuki. H. Abdul Manan mati ditembak sardadu Westenenk. 

Kangarian Bulando dalam parang pajak juo manggugah pikiran Bung Hatta, kutiko tu baumua sakita 7 tahun. Katargugahan Bung Hatta tu dapek awak baco dalam buku memoar baliau. Karano tahun 1908 tu Bung Hatta maliek dari jandela rumah baliau di Aua Tajungkang, banyak rakyaik Kamang nan ditangkok dek Bulando dikirim ka rumah panjaro di Padang. Kudian dikirim ka Makassar atau ka daerah-daerah lain di nagari awak ko.

Parang apo sajo namonyo, iyo sangaik ganehnyo. Dalam parang iyo indak ado masalah kamanusiaan doh! Parang indak bataratik manuruik curito-curito urang awak. Labiah-labiah parang sudaro. Itu nan aneh bana, inyo galak juo ka awak, tapi awak alah inyo dabiah.

Mambaco riwayaik Roehana Koeddoes sarupo mambaco sajarah nan panjang. Karano jamannyo malahiakan urang-urang gadang dalam sajarah nagari awak. Roehana Koeddoes indak paralu basurek-surekan sarupo R.A. Kartini doh.

Rohana Koeddoes sabandiang wacana jo eksen. Bahkan labiah banyak eksen daripado wacana. Eksen labiah mamarlukan tindak daripado diari jo surek-surek nan dikirimkan kapado sahabaik. Roehana Koeddoes alah masuak kagalanggang tindakan sarupo pandidikan untuak parempuan, usaho karajian sampai-sampai manjadi wartawan di jamannyo.

“Sadang mangapo Parewa?” tanyo kawan Parewa saurang wartawan sanior di nagari awak.

“Sanang mambaco buku tantang Roehana Koeddoes nan ditulih dek Tamar Djaya, jo buku Roehana Koeddoes parempuan Sumatera Barat nan ditulih dek Fitriyanti.”

Parewa sarupo urang pansiun nan banyak kasampatan untuak mambaco.

“Cucu-cucu awak se indak mambaco la-i doh! Indak tantu jo sajarah urang-urang gadang nagari awak.” Wartawan senior tu malengoh sambiah mancibia.

“Bialah! Awak mambaco untuak dibaok mati! Saindak-indaknyo supayo awak indak jadi pikun.” Parewa maurak langkah ka mamuloi bajalan kaki pagi. RMS