MANAGEMEN kadai nasi Padang. Tiok sakali enam bulan dibagi rasaki tu! Tiok urang mandapek, sasuai jo paluah nan inyo kaluakan. Tukang masak babeda jo tukang tatiang. Tukang hidang babeda rasakinyo jo tukang cebok (tukang cuci piriang).
Manager (induak samang) babeda jo urang nan punyo capital, nan punyo pokok. Managemen nagari agrarih kelihatan tabuka. Indak ado nan disuruakan, indak ado nan disimpan-simpan. Managemennyo tabukak, samo jo administrasi musajik jo surau. Sadonyo tabukak, sadonyo indak ado rahasio. Rimih ciek ado dalam laci.
“Kini beda!”
“Managemen akutansi`”
“Managemen buku.”
“Pangaruah galobal.”
“Tukang masak alah jadi buruh.”
“Tukang tatiang alah jadi buruh.”
“Tukang cebok juo alah jadi
buruh.”
“Sadonyo alah makan gaji.”
“Kacuali nan punyo modal.”
“Punyo kapital.”
“Pokok-e makan gaji.”
“Kini beda!”
“Kumbali ka surau.”
“Kumbali ka nagari.”
“Ado nan tarjumahannyo leterlik
bana.”
“Di nagari awak, sarupo babaliak
samaso panjajahan Ulando.”
“Inyo masuak ka dalam kain
saruang baliak.”
“Andeh-andeh jo uniang awak alah
barubah mangecek.”
“Urang padusi, inyo sabuik
Waang!”
“Hilang kato-kato ‘Kau’ jo
‘Gau’.”
“Kau jadi Akau. Gau jadi Agau,
talalu kasa, kato uniang ambo!”
“Bung Hatta suko jo ‘Panterei’!”
“Sagalo barubah. Aia taruih
mailia.”
“Dari sungai mailia ka muaro.”
“Dari muaro mailia ka lautan.”
“Tapian barubah sasudah pasang.”
“Pantai barubah sasudah
galombang.”
“Galobal manompang jo galombang.”
“Au!” RMS
Haluan, Minggu 2 Januari 2005
Tidak ada komentar:
Posting Komentar
Terima kasih telah memberi komentas